बलात्कार–हत्या घटनामा सरकारसँग प्रचण्डको कडा माग

काठमाडौं । नेपाली कम्युनिस्ट पार्टी (नेकपा) का संयोजक तथा पूर्व प्रधानमन्त्री पुष्पकमल दाहाल ‘प्रचण्ड’ले बालिका इनिशा विकमाथि भएको सामुहकि बालात्कारको घटनाको छिटो र प्रभावकारी छानविन गर्न माग गरेका छन् ।

साथै उनले दोषीलाई कडा कारवाही गर्न पनि सरकारसँग माग गरेका छन् ।

‘सुर्खेतमा सोह्र वर्षीय बालिका इनिशा बिक माथि भएको सामूहिक बलात्कार र जघन्य हत्याको अपराधिक घटनाले मलाई मर्माहत बनाएको छ’, प्रचण्डले सामाजिक सञ्जालमार्फत भनेका छन्, ‘मृतक बालिकाप्रति भावपूर्ण श्रद्धाञ्जली अर्पण गर्दै शोकाकुल परिवारजनमा गहिरो समवेदना व्यक्त गर्दछु ।’

प्रचण्डले घटनाको निष्पक्ष, छिटो र प्रभावकारी छानबिन गरी दोषीलाई कडा कानुनी कारबाही गर्न सरकार र सम्बन्धित निकायसँग जोडदार माग गरेका छन् ।