महिला च्याम्पियनशिपमा नेपालले आज भारतसँग खेल्दै

मकवानपुर । साफ १७ वर्षमुनिको महिला च्याम्पियनशिपमा नेपालले आज भारतसँग खेल्दैछ । खेल भूटानको थिम्पुमा नेपाली समयअनुसार बेलुकी सवा ६ बजे शुरु हुनेछ ।

नेपाल प्रतियोगिताको उपाधि जित्ने होडबाट बाहिरिसकेको छ । यसअघि नेपाल पहिलो खेलमा भारतसँग, तेश्रो र चौथो खेलमा बङ्गलादेशसँग पराजित भएको थियो । यस्तै दोस्रो खेलमा भूटानलाई हराएको थियो ।

प्रतियोगितामा नेपाल, भूटान, भारत र बङ्गलादेश सहभागी छन् । डबल राउन्ड रोबिन लिगका आधारमा चलिरहेको प्रतियोगितामा लिग चरणपछि शीर्ष स्थानमा रहने टोली विजेता बन्नेछ । नेपालले पर्सि आइतवार आफ्नो अन्तिम खेलमा भूटानसँग खेल्ने छ ।