मकवानपुर । मकवानपुरको जिल्ला सुरक्षा समितिले फागुन २१ गते हुने प्रतिनिधिसभाको मध्यावधि निर्वाचनका लागि मकवानपुरका अति संवेदनशील र संवेदनशील मतदानस्थल तय गरेको छ।
प्रमुख जिल्ला अधिकारी वसन्त अधिकारी नेतृत्वको जिल्ला सुरक्षा समितिले मकवानपुरका १६७ मतदानस्थलमध्ये केहीलाई अति संवेदनशील र संवेदनशील भनी तय गरेको छ ।
बकैयामा सर्वाधिक ५ मतदान स्थल र ७ केन्द्र अति संवेदनशील छन्। त्यसपछि राक्सिराङमा ६ स्थल र ६ केन्द्र, बागमतीमा ५ स्थल र ६ केन्द्र, भीमफेदीमा १ स्थल र ३ केन्द्र र मनहरीमा १ स्थल र ३ केन्द्र र कैलाशमा १ स्थल र १ केन्द्र अति संवेदनशीलमा राखिएको छ ।
भने संवेदनशील सूचीमा बागमती प्रदेशको राजधानी हेटौंडा उपमहानगरभित्र ७ स्थल र ३१ केन्द्र त्यस्तै, थाहा नगरपालिकामा ९ स्थल र १७ केन्द्र, राक्सिराङमा १३ स्थल र १७ केन्द्र, बकैयामा ८ स्थल र १५ केन्द्र र बागमतीमा ७ स्थल र १७ केन्द्र छन् ।
यी मतदान स्थलमा सोही अनुसारको सुरक्षा रणनीति बनाइएको जनाइएको छ ।
