तुलसीपुर, असार १२
दाङ तुलसीपुरका एन- प्याब्सनमा आवद्ध विद्यालयका चालक र सहचालकलाई ट्राफिक सचेतना प्रदान गरिएको छ । विद्यालयका गाडी संवेदनशील भएकाले ति गाडीका चालक र सहचालकहरुले ख्याल गर्नुपर्ने भन्दै सचेतना प्रदान गरिएको हो । एन-प्याब्सन दाङ जिल्लाको आयोजनामा बिहिबार भएको ट्राफिक सचेतना कार्यक्रममा ट्राफिक प्रहरी कार्यालय तुलसीपुरका प्रमुख/प्रहरी नायब निरीक्षक नरेन्द्र बहादुर शाहीले विद्यार्थी बोकेका सवारीले विद्यार्थीमैत्री सेवा दिनुपर्ने बताए ।
उनका अनुसार छिटो विद्यार्थीलाई विद्यालय पुर्याउने नाममा तिब्र गतिमा चलाउने, मापसे गर्ने जस्ता कार्यमा ध्यान दिनुपर्छ । त्यस्तै विद्यालयको बसबाट विद्यार्थीलाई जहाँपायो त्यही छोड्दा पनि दुर्घटना भइरहेको भन्दै घर भित्र नजादासम्म सुरक्षित राख्ने जिम्मा चालक र सहचालकको रहेको बताए । बीच सडकमै विद्यार्थी छोड्दा त्यसले धेरै दुर्घटना बढिरहेको उनको भनाई छ ।
एन-प्याब्सन दाङको अध्यक्ष भोजराज न्यौपानेको अध्यक्षतामा भएको कार्यक्रममा एन-प्याब्सन का केन्द्रिय उपाध्यक्ष प्रकाश कुमार शर्माको प्रमुख आतिथ्यता रहेको थियो ।
शारदा विद्या मन्दिरको प्रिन्सिपल इन्दिरा शर्माको स्वागत मन्तब्य ब्यक्तबाट शुरू भएको कार्यक्रमको सहजीकरण एन-प्याब्सनको दाङ जिल्ला प्रवक्ता हरि प्रसाद भण्डारीले गरेका थिए ।
