मतदान केन्द्रमा खटिएका एक जना कर्मचारीलाई पक्राउ

मकवानपुर। बुधबार मोरङको सुनवर्षी नगरपालिका–६ स्थित पटियापाडा माध्यमिक विद्यालयको मतदान केन्द्रमा खटिएका नेपाल विद्युत् प्राधिकरण रंगेली वितरण केन्द्रका सहायक पाँचौँ तहका कर्मचारी रंजित सिवालाई प्रहरीले नियन्त्रणमा लिएको हो।

रंगेली नगरपालिका–२ निवासी ३७ वर्षीय सिवाले मतदान अधिकृत तथा अन्य कर्मचारीसँग झगडा गर्दै गालीगलौज गरेको र निर्वाचन प्रक्रियामा असहयोग गरेको आरोपमा उनलाई पक्राउ गरिएको जिल्ला प्रहरी कार्यालय मोरङका प्रहरी नायव उपरीक्षक (डीएसपी) तथा सूचना अधिकारी हरिनन्दन चौधरीले जानकारी दिए।

इलाका प्रहरी कार्यालय सिजुवाबाट खटिएको प्रहरी टोलीले उनलाई नियन्त्रणमा लिएर थप अनुसन्धान गरिरहेको छ। भोलि प्रतिनिधि सभा निर्वाचन हुँदैछ।