हेटौडा
ज्ञानदीप बहुउद्देश्यीय सहकारी संस्था लिमिटेडको आज भएको निर्वाचनबाट संचालक समितिको अध्यक्षमा ऋषिराम पोखरेल विजयी भएका छन् ।
आज भएको निर्वाचनमा ३८० मत खस्दा पोखरेलले प्रतिद्वन्द्वी गोविन्दप्रसाद चौलागाई लाई ९९ मत पछि पार्दै विजयी भएका हुन् ।
संस्थाको उपाध्यक्षमा राजेशप्रसाद घिमिरे , सचिवमा लिलानाथ ढुंगेल र कोषाध्यक्षमा भने मोहनप्रसाद न्यौपाने निर्वाचित भएका छन् । घिमिरेले २०१ , ढुंगेलले २३५ मत ल्याउँदै कोषाध्यक्ष न्यौपाने भने निर्विरोध निर्वाचित भएका हुन् ।
समितिको सदस्यमा खिलप्रसाद बराल (३१४), गमला राजभण्डारी (१८८), जनकराज पन्त (२३९), रमिला सापकोटा (२०८), लक्ष्मी दुलाल (१८०), श्रीराम दहाल (१७९) र सरस्वती ढकाल (२२५) विजयी भएका छन् ।
त्यस्तै, लेखा समितिको संयोजकमा गौतम केसी निर्विरोध निर्वाचित भएका छन् भने सदस्यमा बासुदेव रिजाल २३५ र मिलन दुलालले २४५ मत ल्याउँदै विजयी भएको निर्वाचन अधिकृत ध्रुवप्रसाद चौलागाईले जानकारी दिए ।
