मकवानपुर । राष्ट्रिय स्वतन्त्र पार्टीका सभापति रवि लामिछाने र काठमाडौं महानगरपालिकाका मेयर बालेन शाहबिच आइतबार र सोमबार गरि २ पटक भेटवार्ता भएको छ ।
दुइ नेताबीच ७ घण्टा भन्दा बढी छलफल भएको र आगामी निर्वाचनमा सहकार्य गरेर जाने बिषयमा वार्ता सकारात्मक रहेको श्रोतले बताएको छ । रवि लामिछानेले फागुन २१ को आमनिर्वाचनमा बालेनलाई नै प्रधानमन्त्री बनाउने गरी सहकार्य गर्ने प्रस्ताव राखेको बालेन निकट स्रोतले बताएको छ।
यसका लागि बालेनसमेत संलग्न देश विकास पार्टी र रास्वपा एकीकरण गर्ने र एकीकृत पार्टीको नाम रास्वपा राख्ने प्रस्ताव गरिएको बालेन निकट स्रोतले दाबी गरेको छ। रास्वपा स्रोतले भने बालेनसँग सहकार्य गरेर जानेबारे छलफल भइरहे पनि यति विस्तृतमा कुराकानी नभएको बताएको छ ।
जेलबाट धरौटीमा रिहा भए लगत्तै लामिछानेले राजनीतिक क्रियाशीलता बढाएका छन । प्रधानमन्त्री शुसिला कार्की, जेन्जी आन्दोलनका शहीद परिवार र घाइतेहरुलाई समेत उनले भेटघाट गरिसकेका छन ।
