मकवानपुर । आज बिहान लुम्बिनी र गण्डकी प्रदेशका केही ठाउँमा हल्कादेखि मध्यम वर्षा भएको छ । लुम्बिनीको नवलपरासी, कपिलबस्तु, रुपन्देही, गुल्मी तथा गण्डकीको लमजुङ, तनहुँ, स्याङ्जालगायतका जिल्लामा पानी परेको हो ।
कपिलबस्तुको भगवानपुर वर्षामापन केन्द्रमा पछिल्लो एक घण्टामा ३८.८ तथा नवलपरासीको परासी वर्षामापन केन्द्रमा २२.६ मिलिमिटर वर्षा मापन भएको छ । देशका अरू थोरै ठाउँमा पनि पानी परिरहेको छ ।
आज दिउँसो पनि मौसम बदली नै रहनेछ । कोशी, बागमती, गण्डकी र लुम्बिनी प्रदेशलगायत देशका पहाडी भागका केही ठाउँ तथा बाँकी भागका थोरै ठाउँमा मध्यम वर्षाको सम्भावना रहेको महाशाखाले जनाएको छ ।
कोशी, मधेश, गण्डकी, लुम्बिनी र सुदूरपश्चिम प्रदेशका पहाडी र तराइ भागका एकरदुई ठाउँमा ठूलो पानी पर्न सक्ने सम्भावना छ ।
गएराति कोशी, मधेश, बागमती, गण्डकी र लुम्बिनी प्रदेशका थोरै ठाउँ तथा बाँकी भागका एकरदुई ठाउँमा हल्कादेखि मध्यम वर्षा भएको जल तथा मौसम पूर्वानुमान महाशाखाले जनाएको छ ।
महाशाखाका मौसमविद् सञ्जिव अधिकारीका अनुसार यस वर्षको मनसुन बाहिरिन थप समय लाग्न सक्ने देखिएको छ । भारतमा औसतको तुलनामा झण्डै दुई दिन छिटोगरी मनसुन बर्हिगमन भइरहेको छ ।
नेपालमा अक्टोबर २ तारिख अर्थात् असोज १६ मा मनसुन सकिने समय हो । त्यस्तै नेपालमा मनसुन भित्रिने मिति सरदर जुन १३ तारिख हो । तर यसपाली १५ दिन छिटो जेठ १५ मै मनसुन भित्रिएको थियो ।
