प्रचण्डको निर्वाचन क्षेत्रमा ४० प्रतिशत मत खस्यो

मकवानपुर। नेपाली कम्युनिस्ट पार्टीका अध्यक्ष पुष्पकमल दाहाल ‘प्रचण्ड’ उम्मेदवार रहेको रुकुम (पूर्व) मा ४० प्रतिशतभन्दा बढी मतदान भएको छ।

दिउँसो १ बजेसम्म कुल ४०.०९ प्रतिशत मतदान भएको प्रमुख निर्वाचन अधिकृत शिवप्रसाद खनालले जानकारी दिएका छन्।

उनका अनुसार यस अवधिसम्म १३ हजार ९१९ मत खसेका छन्। जसमध्ये ६ हजार ६१७ पुरुष र ७ हजार ३२३ महिला रहेका छन्।

यस निर्वाचन क्षेत्रमा हालसम्म सबै स्थानमा शान्तिपूर्ण रूपमा मतदान भइरहेको प्रमुख निर्वाचन अधिकृत खनालले बताएका छन्।