मकवानपुर । नेकपा (एकीकृत समाजवादी) की सांसद राजेन्द्रलक्ष्मी गैरैले नेपालमा महिलामाथि अझै पनि सम्पत्तिको अधिकारमा विभेद कायमै रहेको भन्दै सरकारको ध्यानाकर्षण गरेकी छिन्।
राष्ट्रिय सभाको शुक्रवारको बैठकमा बोल्दै उनले मतदान अधिकारदेखि वंशजको अधिकारसम्मका आन्दोलनमार्फत महिलाले अधिकार प्राप्त गरे पनि सम्पत्ति अधिकारको सवालमा सामाजिक चेतना अझै परिवर्तन हुन नसकेको भन्दै सरकारको ध्यानाकर्षण गराएका हुन्।
उनले २०६२र६३ को जनआन्दोलनका क्रममा महिलाको नागरिकता, वंशज र सम्पत्ति अधिकारका मुद्दा उठाएपछि केही कानुनी प्रगति भए पनि व्यवहारमा लागू हुन नसकेको उल्लेख गरिन्।
उनले संविधानको कार्यान्वयन पूर्ण रुपमा गर्न नसक्दा समाजमा महिलामाथिको विभेद अन्त्य हुन नसकेको उल्लेख गरिन्।
उनले नागरिकतासम्बन्धी ऐन संशोधन विधेयकमा महिलाले स्वघोषणा गर्नुपर्ने तर पुरुषले गर्नु नपर्ने विभेदकारी प्रस्ताव खारेज गर्न समेत माग गरिन्।
