काठमाडौँ । ललितपुरको कोञ्जोसोम गाउँपालिका–१ बाउनडाँडामा शुक्रबार राति मिनी ट्रक दुर्घटना हुँदा चार जनाको मृत्यु भएको छ ।
प्रदेश–०१–००४क ६२२८ नम्बरको ट्रक दुर्घटनामा परेको हो ।
दुर्घटनामा चालक ललितपुर, गोदावरी नगरपालिका–६ का ५२ वर्षीय गणेश खड्का र ट्रकमा सवार सोही ठाउँका ४२ वर्षीय गणेश थापाको घटनास्थलमै मृत्यु भएको प्रहरीले जनाएको छ ।
ट्रकमा सवार ४० वर्षीय र ५० वर्षीय दुई जना पुरुषको भने उपचारका लागि पाटन अस्पताल पुर्याइएकोमा चिकित्सकले मृत घोषणा गरेको जिल्ला प्रहरी कार्यालय ललितपुरले जनाएको छ । उनीहरुको परिचय खुलेको छैन ।
मिनी ट्रक बालुवा लिएर आउँदै गर्दा सडकबाट ५ सय मिटर तल खसेको प्रहरीले जनाएको छ ।