मकवानपुर । दक्षिण लेबनानमा इजरायलले गरेको आक्रमणमा कम्तीमा ५ जनाको मृत्यु भएको छ।
नेशनल न्युज एजेन्सीका अनुसार मृतकमध्ये एक जनाले बाजौरीयेहमा भएको आक्रमणमा ज्यान गुमाएका छन्। उक्त आक्रमणमा कम्तीमा ९ जना घाइते भएका छन् भने धेरै घरहरू र एक विद्यालय भवनमा गम्भीर क्षति पुगेको बताइएको छ।
एनएनएका अनुसार नबातियेह एल फौका र सर एल घर्बियेहमा दुई जनाको मृत्यु भएको छ भने चौकिनेमा थप दुई जनाले ज्यान गुमाएका छन्।