हेटौँडा । हेटौँडा–४ पारिजातपथस्थित सानिमा बैंक अगाडि सडक छेउमा अचेत अवस्थामा फेला परेका पुरुषको उपचारका क्रममा मृत्यु भएको छ । मंगलबार राती ८ बजेर ५० मिनेटको समयमा हाल नाम थर खुलेको अन्दाजी ४५ वर्षीय पुरुष सडक किनारामा अचेत अवस्थामा फेला परेको बागमती प्रदेश प्रहरी कार्यालय हेटौँडाले जानकारी दिएको छ ।
उनलाई उद्धार गरि उपचारका लागि हेटाँैडा अस्पताल लगिएको थियो । उपचारको क्रममा उनको राती ९ बजेर ५ मिनेटको समयमा मृत्यु भएको प्रहरीले जानकारी दिएको छ । मृतकको शव हाल सोही अस्पतालमा राखिएको छ । बाहिरी चोटपटक नदेखिएको र घटनाबारे प्रहरीले आवश्यक अनुसन्धान गरिरहेको जनाएको छ ।