हेटौंडा। भर्खरै हेटौंडा १९ दारिमटारमा तीन ओटा सवारी एक आपसमा ठक्कर खाई दुर्घटना भएको छ।
सोमबार दिउँसो पुर्व पश्चिम राजमार्ग अन्तर्गत मकवानपुरको हेटौंडा १९ दारिमटारमा हेटौंडा तर्फ आउदै गरेको ना ७ ख १७७४ नम्बरको तेल ट्याङ्कर सोही दिशामा जादै गरेको ना ६ ख २११९ नम्बरको यात्रु बहाक बस र विपरीत दिशाबाट आइरहेको ना ६ ख ८१८० नम्बरको ट्रक एक आपसमा ठोक्किर दुर्घटना भएको हो। दुर्घटनामा ३१ जना घाइते भएको जसमा दुईको अवस्था चिन्ताजनक रहेको मकवानपुरका निमित्त प्रहरी प्रमुख प्रहरी नायव उपरीक्षक श्यामु अर्यालले जनाएका छन्। घाइते सबैलाई स्थानिय र प्रहरीले उद्धार गरेर अस्पताल पठाएको जनाइएको छ । घाइतेहरुको थप विवरण आउन बाँकी रहेको छ।